Lenke her.

Fylkespolitikerane skal handsame sak om felles verdiar med lukka
innsyn, slik blir det ofte i delprivatiseringar av offentlege verdiar.

Så gjenstår det å sjå korleis fylkeskommunen klarer seg som
offentleg aktør ilag med private interesser.
Endar fylket opp som majoritetseigar utan styrefleirtal?

Lenke her.

Hugs møte i Mardal skule 3. April. Sjå Gloppen Motorklubb.

Samfunnsdemokratane, det nye valalternativet, vil investere i skular, helse, mat, veg og breiband.

For Samfunnsdemokratane er lokalt eigarskap og bygging av infrastruktur i heile landet det viktigaste tiltaket for næringsutvikling.

Vi må ha eit skikkeleg løft i den neste nasjonale transportplanen, ikkje minst for ferjefri E-39 gjennom Sogn og Fjordane, og auka fokus på gang-og sykkelvegar.

Samhandlingsreforma utfordrar oss til å setje mennesket i fokus, nettopp det vi står for i politikken vår.

Helseføretaksmodellen må avviklast, og vi fortset arbeidet for lokalsjukehusa våre.

Om nødvendig med etablering av private klinikkar for å sikre tryggheit for liv og helse også i distrikta.

Sogn og Fjordane, eller The Fjords, som dei seier i utlandet- har store utviklingsmulegheiter om vi spelar på lag med folket og naturressursane.

Som nytt valalternativ tenkjer vi at veljarane kan ha nytte av å bli kjende med oss, og vi konstaterer at det er store utfordringar i det å vere politiske gründerar.

Vi vil no arbeide aktivt med å samle 5000 underskrifter slik at vi kan stille liste til det komande Stortingsvalet.

For dei som treng meir info er vi å finne på heimesida: samfunnsdemokraten.no.

Der ligg det program, aktuelle saker vi har arbeidd med, og utskriftsvenleg underskriftsliste.

Vi har og eigne facebook-grupper for partiet og motorklubben.

Bakgrunn for saka:

Fylkestinget i Sogn og Fjordane har med klart fleirtalt vedteke at E39 skal følgje dagens trase
frå Skei til Lote med bru over Nordfjord mellom Lote og Anda. Det vidare trasevalet frå Lote
til Volda er ikkje gjort fleirtalsvedtak om.

Statens Vegvesen har i sin KVU tilrådd 2 alternativ der det eine går med bru over Lote-Anda i
samråd med fylkestinget sitt vedtak. Dei har samstundes klargjort at S-alternativet er
uaktuelt som traseval gjennom Nordfjord då dette både vert dyrare og representerar ein
omveg for dei reisande.

Hornindal og Stryn kommunar har gjennom vedtak i kommunestyra gått vekk frå
kompromisset som S-alternativet var mellom Nordfjordkommunane og gått inn for indre
alternativ i samråd med Statens Vegvesen si tilråding.

Gloppen kommunestyre har ikkje hatt saka oppe til drøfting med bakgrunn i den nye
situasjonen som har oppstått etter fylkestinget sitt vedtak og Statens Vegvesen si tilråding.
Tidlegare vedtak seier at Gloppen går for S-alternativet. I dag er det difor kun Gloppen
kommune som går for S-alternativet.

Saksutgreiing:

Det vert arbeidd aktivt frå fleire hald for at indre trase vert det føretrekte valet for E39
gjennom Nordfjord. Det er difor viktig at det sitjande kommunestyret i Gloppen gjer det
klart kva som er standpunktet i saka med bakgrunn i dei vedtak og tilrådingar som no ligg på
bordet. Spesielt sidan både Stryn og Hornindal kommunar har gått vekk frå kompromisset
med S-alternativet basert på bru over Lote-Anda vidare gjennom Kviven til Volda.

For alle brukarar av E39 i Nordfjord (med unntak av dei som bur i Stryn og Hornindal) som
skal nordover vil trasevalet gjennom Kviven (S-alternativet) representere ein omveg på ca 36
kilometer(30 minutt). Dette rimar dårleg med at vegen skal vere ein effektiv transportåre for
dei innbyggjarane som er avhengige av vegen. Med bakgrunn i fylkestinget sitt vedtak går
den rimelegaste vegen gjennom Nordfjord i nord-sør retning via bru over Lote-Anda vidare
gjennom tunnel i Stigedalen og bru over Austefjorden til Volda(alternativ K7 i KVU’en frå

Statens vegvesen) . For Stryn og Hornindal vi raskaste vegen gå via Kviven som straks er
ferdigstilt og skal opnast i løpet av sommaren 2012. Den kortaste vegen mellom Skei og
Volda gjennom Nordfjord går via trase K6 som samstundes eliminerar 2
riksvegferjesamband, høvesvis Anda-Lote og Folkestad-Volda. Denne traseen er 84 km lang i
flg. Statens vegvesen mot indre trase som er 87 km.

Det er og viktig at ein snarast råd får avklara med Statens Vegvesen kvar det aktuelle
festepunktet på ei bru mellom Anda og Lote vil ligge. Dette for å starte arbeidet med å
klargjere regulering av grunnen i området, slik at dette ikkje vert ein flaskehals i det vidare
arbeidet med E39.

Tilråding:

Kommunestyret i Gloppen vedtek at E39 skal fylgje eksisterande trase frå Skei til Anda via
bru over Nordfjord til Lote. Vidare trase frå Lote til Volda føl Statens Vegvesen si tilråding for
midtre alternativ kalt K7 som går med tunnel gjennom Stigedalen og vidare med bru over
Austefjorden, alternativt trase K6 som også går gjennom Stigedalen men endar opp med
flytebru over Voldafjorden. Det siste alternativet vil Avløyse 2 riksvegferjer Lote-Anda og
Volda-Folkestad og er samstundes det kortaste alternativet med sine 84 km frå Skei til Volda.

Gloppen kommune tek snarast kontakt med Statens Vegvesen for å avklare plassering av
aktuelt endepunkt på brua ved Anda. Dette for å kunne starte førebuande reguleringsarbeid
i området for å legge til rette for raskast mogleg framdrift for bru-prosjektet.

I mars blir programmet tett for vår del, vi har tre strake torsdagar på rad med møte, og feiring.

Grunna eigne vedtekter og tid, kjem vi til å skilje mellom årsmøtet og 1-årsfeiringa.

1.mars i kommunestyresalen kl 19.00

er det vanleg styre/gruppe/medlemsmøte med utvalssaker som skal til behandling i dei forskjellige utvala og formannskapet veka etter.

- Sakene finn de på heimessida til kommunen http://gloppen.kommune.no etter kvart som dei blir lagde ut.

- Geir har alt meldt inn ei sak frå kontrollutvalet som bør trekkjast frå formannskapet.

- Sakshandsamingsfeil ang. betalingssatsane om mat, må takast opp igjen i helse-og omsorgsutvalet.

- Anne-Grete informerer om motorklubben, vedtekter og skriv.

- Svarbrev frå Samferdsledepartementet ang. E-39.

(eit litt artig samantreff her, brevet kom frå SD til SD)

8.mars- Hurra, vi blir eitt år! Det må feirast! Gloppen hotell kl 18.00, same stad som vi var for eit år sidan.

- Miniseminar med reklamefirmaet Kib & Morits frå Volda om laging av heimeside og viktigheita av reklame.

- Middag som kvar enkelt betalar, difor påmelding

- Vi inviterer lokalt næringsliv til gratis miniseminar og til å ete middag med oss

- Kjem annonse med info om påmelding seinare, Kib & Morits er flinke så denne sjansen må de gripe, set av kvinnedagen til feiring 

15.mars i kommunestyresalen kl 18.00 årsmøte/ medlemsmøte

Vanlege årsmøtesaker

Årsmelding v/Geir, Gunnvor

Rekneskap og budsjett v/ Øyvind

Arbeidsprogram for året, hovedfokusområder:

Motorklubben

Openheit i offentleg forvaltning

Registrering i partiregisteret

Kom med innspel!

Val

Dei som har lyst å ta i eit ekstra tak i styret eller motorklubben er velkomne, og vi treng fleire medlemmer, mange er enige med oss, be dei inn som medlemmer.

Påminning frå kasserar: Kontingent: kr 250,- ver vennleg å betale til konto 3705.19.30437 for 2012.

Vi er vitne til at Statens vegvesen under sitt arbeid med KVU for E39 gjennom vårt fylke presterer å tilrå flytting av E39 frå dagens trase over Lote-Anda til inste botnen av Nordfjord for å spare staten for etter eige utsegn 2-4 milliardar kroner. Ved denne flyttinga får 4 av 6 kommunesenter i Nordfjord betydeleg lenger veg til hovudtrafikkåra nord-sør gjennom fylket.

Regionflyplass for Nordfjord(Sandane Lufthamn)
I tillegg fjernar ein denne viktige vegen frå regionen sin flyplass (som i november 2011 vart gjenopna etter opprusting for ca 140 millionar kroner) som ligg like ved Anda ferjekai. Dette gjev til dels betydeleg lenger reisetid for dei som skal ta fly til og frå regionen.

Pendling
Pendling mellom kommunane i midtre og ytre Nordfjord vert betydeleg vanskelegare enn eksisterande løysingar.  I Nordfjord har statens vegvesen brukt 45 minutt som pendlaravstand mot 1 time både i Møre og Romsdal og i Hordaland.  Ved å gjere dette kunstgrepet har ein prøvd å skape intrykk av at ei midtre line er mindre samfunnsnyttig enn ei indre line fordi ein «likevel» ikkje klarer å få med seg Ytre og Indre Nordfjord(delar av Sunnfjord og Volda) i ein samla bu og arbeidsregion dersom ein vel midtre alternativ.  Ved å bruke 60 minutt som avstandsmål får ein med både Bremanger, Jølster og Volda i tillegg til ALLE Nordfjordkommunane i ein samla bu og arbeidsregion ved alternativ K6. Ingen andre traseval har same effekt som eit midtre alternativ over Lote-Anda, gjennom Stigedalen og via flytebru til Volda(K6, 84km).

Ferjeavløysing
Til slutt vel ein å la vere å fjerne den største flaskehalsen for trafikken internt og gjennom Nordfjord nemleg ferja Lote-Anda med ein årsdøgntrafikk på 2240 bilar siste år. Fjerning av eksisterande ferjer er hovudføresetnaden med ny og opprusta E39 mellom Trondheim og Kristiansand.  I tillegg er det både nord og sør for fylket vårt teke omsyn til næringsutvikling i regionen. Med si tilråding er det kunn 2 kommunar (Stryn og Hornindal med til saman 6500 innbyggjarar) av 6 kommunar som er teke omsyn til på kostnad av dei resterande 4 kommunane (Eid, Gloppen, Selje og Vågsøy til saman 20000 innbyggjarar) med grunngjeving å spare staten for pengar. Dette vitnar rett og slett om mangel på kunnskap om næringsstrukturen i regionen og verknaden av gode og samanbindande samferdsleløysingar for utviklinga av området.
Eit anna uforståeleg moment i utgreiinga til vegvesenet er at ein finn det formålstenleg å nytte 1,5-2,5 milliardar på å byggje ei bru som ikkje eingong er ferjeavløysande og som det tek 20 minutt å køyre utanom. Ved val av indre trase er per definisjon E39 ferjefri gjennom Nordfjord. Korleis vi skal kunne argumentere for å få bygt ei bru som har desse føresetnadane står for oss som ei gåte.  Med få eller ingen argument att som grunngjeving for å få bru over Nordfjord i indre står regionen att som den store taparen og vi har fått separert kommunane i Nordfjord for all framtid.
At fylkesrådmannen vår, som burde ha som si hovudoppgåve å skape vekst og utvikling i heile fylket, er mest oppteken av at trafikken kjem raskast og for staten billegast mogleg forbi vår region utan å ta omsyn til eiga næringsutvikling, er komplett uforståeleg.

Kvivsvegen som ein skal nyttiggjere seg av for å spare staten for pengar, er bygt for å skaffe Søre Sunnmøre raskare tilkomst til Austlandet/Oslo via vegen over Strynefjellet. I tillegg får Stryn og Hornindal kortare veg til Volda.
Resten av innbyggarane i Nordfjord har ingen nytte av denne vegen. Dersom ein skal få dette til må ein ha like gode geografikunnskapar som statssekretæren til helseministeren som meinte at det vert 15 minutt kjøretid mellom Stryn og Volda når Kvivsvegen opnar.
Skal ein til Volda frå Eid eller Gloppen er kortaste vegen via eksisterande opprusta veg gjennom Stigedalen. Skal ein til Ålesund reiser dei i ytre Nordfjord via Årvik-Koparnes og Hareid-Sulesund medan dei frå Eid og Gloppen som skal til Ålesund kan enten reise via Stigedalen eller via Grodås og Stranda-Liabygda til Sjøholt og Ålesund. Denne siste strekninga er også den kortaste og raskaste vegen til Ålesund både frå Hornindal og Stryn.

At 4 Nordfjordkommunar på denne måten skal lide for at Kvivsvegen er bygt for å gje vegutløysing austover for søre Sunnmøre vert rimeleg søkt.
I tillegg er det som tidlegare nemnt lagt ned store beløp i opprusting av flyplassen på Anda samt at det for få år sidan var opna ein ny parsell av E39 mellom Kleivedammen og Andenes forbi Sandane som faktisk er einaste delen av eksisterande E39 i fylket som tilfredsstiller dei nye krava til europaveg/stamveg.

Under arbeidet med KVUen i Møre og Romsdal, Hordaland og Rogaland er det naturlegvis teke omsyn til eksisterande og framtidig næringsutvikling langs traseen men i Nordfjord vel fylket si eiga avdeling av Statens vegvesen å sjå heilt vekk frå dette og argumenterer med at det viktigaste er at staten kjem seg billegast mogleg gjennom regionen.

Raskaste veg
Raskaste vegen mellom Skei og Volda er i følgje Statens vegvesen og logisk nok via alternativ K6 som går via bru Lote-Anda gjennom Stigedalen og vidare til flytebru over Voldafjorden frå Folkestad. Dette alternativet fjernar 2 eksisterande tungt trafikkerte ferjestrekningar og der igjennom har ein 2 moglege bompengeprosjekt for ei strekning på 84 kilometer veg. Kommunestyra i Eid og Gloppen har allereie vedteke at ein ynskjer bompengar på brua Lote-Anda for å forsere byggestart og framdrift. Gitt dagens trafikktal vil ei bru her vere nedbetalt i løpet av 15 år eller mindre. Alternativ K6 har ei lengde på 84 km og er kostnadsrekna til 8,6 milliardar kroner noko som i følgje Statens vegvesen vert for mykje pengar å bruke på denne strekninga. At strekninga Volda-Ålesund som er kun 54 kilometer lang skal koste 9,7 milliardar er derimot heilt OK i følgje det same vegvesenet.
Desse konklusjonane framstår for Nordfjord og Sogn og Fjordane sitt vedkomande som svært urettferdige og vitnar om grov ned- prioritering av innbyggjarane og næringslivet sine behov i regionen.
Gode samferdsleløysingar er den viktigaste faktoren for effektiv næringsutvikling og busetnadsvekst i ein region.

Sikkerhet
Eit anna viktig element i val av trase for E39 er sikkerheta til øyeblikkeleg hjelp pasientar i Nordfjord. Ved tilrådinga om indre linje har vegvesenet sett heilt vekk frå dette elementet i kraft av at igjen får ytre Nordfjord 64 km lenger veg til sentralsjukehuset i Førde etter at Helse Førde no har klart å fjerne akuttberedskapen ved Nordfjord sjukehus.  Dette vil i mange tilfelle bety at liv kan gå tapt. Sist dette vart demonstrert på ein rimeleg klar måte var under orkanen Dagmar i julehelga. Då kunne ikkje ferja gå på grunn av dårleg ver. Vidare var vegen stengt fleire stadar langs omkjøringstraseen i indre Nordfjord på grunn av ras og tre som sperra vegen.

Statens vegvesen si rolle
No har vel aldri Statens vegvesen hatt ansvar for regional utvikling og har heller aldri vist at dei er særleg opptekne av dette i vår region. Det dei imidlertid no bidreg med er næringsnedbygging i ein heil region og dette er alvorleg.
Utrekningane som ligg til grunn for tilrådinga er det all grunn til å stille spørsmålsteikn ved fordi ein opererer med feil trafikkgrunnlag for eksisterande trase og feil reisetider for det midtre alternativet i tillegg til alle dei tidlegare nemnde for regionen svært viktige elementa som ein har valt å sjå heilt vekk frå.
Som ein kuriositet kan nemnast at Statens vegvesen nyleg rekna 11mrd.feil på ein vegstubb mellom Søgne og Ålgård. Under møtet med mellom vegvesenet og fylkesordførarar/ordførarar langs traseen var det ingen som var opptekne av å finne andre prosjekt i regionen som ein kunne utsette eller ta pengar frå for å finansiere dei 11 milliardane ein plutseleg mangla, nei dette var staten sitt ansvar og dermed var saka ute av verden og saka lagt død. I vår region er vi befolka med eit folkeslag som er svært nøysame og som er svært bekymra for staten sin bruk av pengar og støttar gjerne opp om vegvesenet sin argumentasjon om å spare 2-4 milliardar i vår region. Det beste er om muleg å hente pengar frå andre prosjekt i regionen for å spare staten for pengar. Vi håpar og reknar med at Samferdsleministeren har litt meir gangsyn enn som så og ser behovet for utvikling også i vår region.
Når vi kan låne ut 61 milliardar frå oljefondet til 1.8 % rente til bygging av Autobahn i Tyskland vert det nærmast latterleg at vi her til lands skal operere med eit avkastningskrav på vegbygging på 4,5 prosent og ei levetid på investeringane på 25 år medan ein i Sverige har 40 år, Danmark 50 år og Storbritannia 60 år. Til alt overmål vert lånefinansiering av vegprosjekt belasta med 6,5% rente. Dette er ein av hovudgrunnane til at ein i lange tider har klart å rekne ut at det ikkje løner seg å bygge vegar i dette landet. Det er ikkje Statens Vegvesen sin feil at desse premissane ligg til grunn, det er mest av alt eit politikaransvar.

Vi treng fleire og betre vegar
Vi treng betre og fleire vegar for å utvikle dette fylket til å kome i nærleiken av nabofylka nord og sør for oss med tanke på verdiskaping og næringsutvikling.

RV60 Byrkjelo-Stryn
Døme på dette er RV60 mellom Byrkjelo og Stryn. Delar av denne vegen er kåra til landets verste veg og inneheld mellom anna ein av dei verste fjellovergangane i Sør-Noreg nemleg Utvikfjellet.  Her står trailerar faste med jamne mellomrom på vinterstid. På sommarstid er det dagleg trafikkork på grunn av smal vegbane fleire stader mellom Olden og Innvik.
Det pågår utbetringsarbeid på strekninga, men ein treng i tillegg tunnel under Utvikfjellet for å eliminere denne flaskehalsen.

Kystvegen
Det å ta seg fram langs kysten i Sogn og Fjordane, er ikkje eit prosjekt for folk med dårleg tid. På grunn av manglande og dårlege vegar er det store problem med å forflytte seg effektivt. Det vert arbeidd med eit prosjekt mellom Måløy og  Florø som skal korte ned reisetida til 45 minutt mellom desse stadane. Dette er eit prosjekt som vil binde Ytre Sunnfjord og Ytre Nordfjord saman til ein felles arbeids/pendlar region.  Dersom stortinget i tillegg vert ferdig med utgreiingane om Stadt skipstunnel vil ein kunne forlenge kystvegen i kombinasjon med skipstunnelen nordover til nabofylket. I tillegg treng ein samanbinding vidare sørover i fylket langs kysten. På Lutelandet i Fjaler er det på gang interessant næringsutvikling men på grunn av manglande vegar er det svært tungvindt og tidkrevjande å forflytte seg langs landevegen i dette området.
Det Sogn og Fjordane treng er meir vegar slik at næringsutviklinga kan få eit løft. Vi har mange ressursar i dette fylket dersom vi får ein infrastruktur som gjer at det vert effektivt å drive næringsverksemd her.

Konklusjon
La den opprusta og nye E39 bli ferjefri og legg vekt på kortaste veg samt utvikling og samanbinding i regionen som vegen går gjennom. Legg til rette for eliminering av eksisterande ferjer Lote-Anda og Voda-Folkestad og erstatt desse med 2 bompengeprosjekt som kan hjelpe til å betale rekninga for vegen. Befolkninga i området betaler allereie bompengar i form av ferjebillettar. Dette vil gje utvikling i regionen og kan og forsere bygginga monaleg.